„Gorillaz" – ეს არის ვირტუალური ჰიპ–ჰოპ ჯგუფი, რომელიც ფიქტიურ, თავისუფალ სახელებიან პერსონაჟებს: ვოკალისტი 2 D, ბას–გიტარა – მედროკი, დასარტყამი ინსტრუმენტები – რასელი და გიტარისტი – ნუდელი, აერთიანებს. ისინი აბსოლოტურად ეფემერული არსებები არიან და არანაირი კავშირი არ აქვთ რეალურ სამყაროსთან.
„Gorillaz" – ეს არის ცნობილი ადამიანები შოუ–ბიზნესიდან: დეიმონ ელბარნა და პროდიუსერი და მუსიკოსი დენ ნაკამური.
ჯგუფის კლიპები მთლიანად ანიმაციურია, რომლის მხატვრულ მხარეზეც ცნობილი მხატვარ–ანიმატორი ჯეიმ ჰიულეტი ზრუნავს.
ჯგუფის შექმნაში მონაწილეობა კიდევ რამდენიმე ადამიანმა მიიღო. ესენი იყვნენ: მიხო ხატორი, კრის ფრანტცი და ტინა უეიმაუტი.
შემოქმედებითმა ჯგუფმა ვირტუალური ჯგუფის წევრების სახეები და ბიოგრაფია თავადვე გამოიგონეს. ახალგაზრდა ვოკალისტი „2D" გონებამიხვილობითა და ფართო მზერით გამოირჩევა. მედროკი – მოჩვენების მსგავსი, იდეების გენერატორი ბოროტი ბასისტია. რასელი უტეხი, კერკეტი კაკალია. ნუდლი კი, 10 წლის გოგონაა, რომელიც გიტარაზე ვირტუოზულად უკრავს...
ჰიპ–ჰოპი და ელექტრონული მუსიკა დიდიხანია არსებობს, მაგრამ მათი სინთეზი, როგორც ამ ჯგუფის შემთხვევაში მოხდა, აზრად არავის მოსვლია.
პროექტის დებიუტი 2000 წლის ნოემბერში დისკით „Tomorrow Comes Today" შედგა, რომელსაც კვალდაკვალ სინგლი „Clint Eastwood" მოჰყვა.
ვირტუალური პროექტის – „Gorillaz", ვებ–გვერდი არა მხოლოდ ინფორმაციას აწვდის ჯგუფის თაყვანისმცემლებს, არამედ პოპულარული პერსონაჟების ანიმაციური ცხოვრების ვრცელ ისტორიასაც სთავაზობს.
მათი შეძლეს, არა მხოლოდ ინგლისელი მელომანების, არამაედ ამერიკელი, კოლუმბიელი, ევროპელი და ინტერნეტის აქტიური მომხმარებლების გულების დაპყრობა...
ანიმაციურმა გმირებმა სცენაზე გამოსვლის პრობლემა ადვილად გადაჭრეს. სცენა მსმენელის დარბაზიდან ნახევრად გამჭირვალე ეკრანით გამოყვეს და კონცერტზე კვლავ ანიმაციურ ინკოგნიტოებად დარჩნენ.
2002 წლის ზაფხულში მეორე ალბომი „Laika Come Home" გამოვიდა, რომლის ავტორებადაც Space Monkeyz Vs. Gorillaz გამოცხადდა. იმავე წლის შემოდგომაზე ჯგუფმა ამერიკის მაშტაბით დიდი საგასტროლო ტურნე გამართა. იქედან დეიმონ ელბარნი აფრიკაში გაემგზავრა, სადაც ადგილობრივი მუსიკოსებით კიდევ ერთი ჯგუფი ჩამოაყალიბა.
2005 წლის მაისში ახალი ნამუშევარი „Demon Days" წარუდგინეს საზოგადოებას. ალბომის ჩაწერაში მონაწილეობა ისეთმა ცნობოლმა მუსიკოსებმა მიიღეს , როგორებიც არიან: აიკ ტერნერი (ტინა ტერნერის ექს–მეუღლე), რეპ–ჯგუფი „De La Soul", შვედელი მომღერალი ნენე ჩერი, შონ რაიდერი („Happy Mondays"–ის ყოფილი წევრი) და დენის ჰოპერი.
პერსონალური ვებ–გვერდი: http://www.gorillaz.com
|
